Aurreko ikasturteko tertulia formatoarekin jarraituko dugu, orain arte lagun izan ditugunekin eta bidean batuko zaizkigunekin. Gaurkoan Amagoia Mujika Gaur8ko kazetaria eta Oihana Etxebarrieta kazetari eta Bilgune Feministako kidea izan dira gurean. Lehenik, atzo Hondarribian izandako alarde egunari begira jarri gara, batik bat, Jaizkibel konpainiak izandako babes instituzionalari edo ezari. Ondoren, hainbat eraso sexisten aurrean uda honetan izan diren ekintza eta erantzunei eta hauek sortu dituzten kritikei erreparatu diegu.