Euskaldunon artean badira zenbait zenbaki berezi, eta horietako bat da hamalau. Zentzuetako batek dioenez, dena baino gehiago dirudiena. Baina natura da kultura iturri nagusiena, eta mendia, agian, haren adierazpenik argi eta garbiena. Hori dela-eta, 14 zenbakiaren aitzakian lotu dugu, iltzez, sokaz eta lokarriz, gaurko gonbidapen sorta lapurren gordelekutik.
Api 21
Aurten beteko dira 40 urte Patti Smith artistak “Horses” disko entzutetsua argitaratu zuenetik. Era berean, orain dela bost urte eman zuen argitara “Just Kids” memoria liburu aparta. Argia da bi lan horien arteko lotura; izan ere, diskoaren azalean ageri den irudia Robert Mapplethorpe argazkilariak egin zuen, eta liburuak bi artisten arteko maitasun eta laguntasun harremana du oinarri. Aitzakia hori eskutan hartuta, bi artiston lanak giltzaz zabaldu, eta sartu-irten azkarra egin dugu.
Urt 27
Gizontasuna da gaur lapurren gordelekura ekarri dugun gaia. Oier Guillan antzerkigilearen “Arra. Arraroa” antzezlanaren testutik pasarte batzuk lapurtu ditugu, gogoetari bazka emateko. Morphine taldearen blues, jazz eta rock doinuak nahastu ditugu Guillanen lanarekin batera. Bide batez, asteburu honetan GIZON TAILERRA egingo dute Urretxu-Zumarragako gaztetxean; horrez gain, Guillanek bere azken lana aurkezten dihardu: “Salto”.
Urr 14
Brasilgo hauteskundeak hurbiltzen ari direla-eta, ezin aproposagoa iruditu zaigu hango artista puska bat ekartzea lapurren gordelekura. “Grande liquidaçao” diskoa 1968an plazaratu zuen Tom Zé musikariak, hitz zorrotzez eta melodia gozagarriz beteta. Antonio Jose Santana Martins izen-abizenez ekarri zuten mundura, baina beste izen batez egin zen munduan ezagun, brasildar musika herrikoiaren figura handia Tom Zé.
Ira 16
Etengabe berria da ideia: gaua erori, eta leizean aditzen da dantzarako deia. Sartudalapurra saioaren laugarren sasoia hasi dugu aurten Kalegorrian magazinaren baitan. Jorge Drexler musikari uruguaitarrak “Bailar en la cueva” diskoa eman du aurten argitara, eta Euskal Herrian izan dugu (hain zuzen, Barañainen) joan den larunbatean. Ideiak honetan datza: dantza, dantza, dantza, dantza!
Ira 02
Espraiak eskutan hartuta, kaleko arteaz aritu gara gaur lapurren gordelekuan. Banksy artistaren “Exit through the gift shop” dokumentala euskaraz azpititulatuta ikus dezakegu argia.com atarian, azpitituluak.com ekimeneko X10 erabiltzaileari esker. Gogotan hartu dugu, era berean, duela urte batzuk Donostian azaldu zen ustezko Banksy hura, hain zuzen ere, Groseko Kortxoenea gaztetxean Ideia Beltzen Brigadak (IBB) bere gain hartu zuen ekintza miresgarria.
Eka 17
Emozioz gainezka sartu da lapurra gaur. Izan ere, Herria dugu arnas ekimenaren baitan, hainbat iheslari etxerako bidean dira. Joseba Sarrionandiak “Hnuy illa nyha majah yahoo” liburuan argitaratu zuen “Martin Larralde” poema, eta Ruper Ordorikak musikatu “Dabilen harria” diskoan. Larralde ez da sekula itzuli, beste askoren antzera; ordea, batzuk bai, hasiak dira itzultzen, horregatik sartu da lapurra gaur emozioz gainezka.
Mar 25
Hoy se cumplen 28 años desde que Euskal Herria dijo que no a la OTAN en referéndum. Una vez más, la sociedad vasca marco la diferencia con el resto del Estado español (Sólo hego Euskal Herria, Catalunya y las Islas Canarias votaron en contra) y voto mayoritariamente en contra de su ingreso en la Alianza Atlántica. Un no a la OTAN que fué posible gracias a una potente campaña de diversos sectores sociales movilizados, que hoy hemos recordado con la ayuda de Amparo Lasheras y Jesus Valencia. Dos históricos militantes que vivieron en primera persona la campaña en contra de la OTAN.
Mar 12
INFOZAZPI IRRATIA
HARREMANAK:harremanak@info7.eus - Iragarkietarako: iragarkiak@info7.eus
Telefono zenbakia:(0033) 5-59-47-84-91
