Entrevista a Joan Tardá [ERC]
Ira 11
Aurreko ikasturtean bezala oraingoan ere azokei begira jarriko gara ostegunetan Lierni Elortzarekin batera. Gaurkoan, Ordizian izandako Idiazabal gaztaren egunari erreparatu diogu. Irabazleekin hitz egiteaz gainera, azokako egunerokotasunean protagonista direnen ahotsak bildu ditugu.
Ira 10
Kezka sortu da uda honetan osasunerako kaltegarriak izan daitezken sustantziak agertu direlako drogetan. PMMA deituriko sustantzia topatu dute zehazki Bizkaia, Gipuzkoa eta Nafarroan; Europan hainbat hildako ere eragin ditu sustantzia honek. PMMA zer den, zergatik eta nola kontsumituta izan daiteken kaltegarria jakin nahi izan dugu. Horrezgainera, kontsumitzaileen segurtasuna bermatzeko zer nolako mekanismoak dauden eta debeku politikek zein ondorioak ekarri dituzten aztertu dugu bi lagunekin, Ailaket elkarteko Unai Perez de San Roman eta Aitor Brion aholkulari juridikoarekin.
Ira 10
Kultura anitzez gogoeta egin dugu gaur tertulian Loretxu Bergouignan eta Markel Ormazabalekin. Donostian metro batzuetako tartean Tabakalera ireki eta Kortxoenea gaztetxea desalojatzear diren honetan, hiri eta herrietan nagusitzen den kultura ereduaz, kultura alternatiboak eta gune autegestionatuek egiten duten ekarpenaz eta kasu honetan zehazki Donostiako udalaren jarreraz hitz egin dugu.
Ira 10
Garesko herriak Begoña Garcia Arandigoien “Alba” militante internazionalista omenduko du bere heriotzaren 25. urteurrenean. “Alba” nor zen eta omenalkdia nolakoa izango den kontatu digu Lur Albisuk, Izarbeibarko Talde Feministako kideak. Interneten badira Begoña garcia Arangoienen bizia kontatzen duten dokumentalak. Horietako bi dira “La lluita a la motxila” eta “Cómo no quererte Alba”.
Ira 10
Gune autogestionatuen kontrako epaiketak eta mehatxuak eguneroko ogia dira Euskal Herrian. Bilbon, Kukutza defendatzeagatik 19 lagunek epaiketa izango dute datorren astean eta Donotian, Kortxoenea gaztetxeko kideak erresistentzian ari dira hustea gelditzeko helburuarekin. Baina ez dira bakarrak. Zornotzako Ziztada Gune Askeko 7 kidek ere epaiketa izango dute bihar eta auziperatuei elkartasuna adierazteko protestak iragarri dituzte Bizkaiko herrian. Zornotzako Ziztada gune okupatuko kide batekin hitz egin dugu Kalegorrian saioan.
Ira 10
Martin Garitano hace un repaso de las portadas del día.
Ira 10
BaserriaXXI eta Etxalde elkarteek prentsaurrekoa eskaini zuten atzo Ordizian, Gipuzkoako Foru Aldundiak aurreko legealdian abian jarri ziren transformazio gune kolektiboak bertan behera utzi nahi dituela salatzeko. Joxi Azpillaga, Baserria XXI elkarteko kideak azaldu digunaren arabera, nekazal ekoizpenak transformatzeko zentro kolektibo hauek baserrien “biziraupena bermatzeko tresna eraginkorrak dira”. EAJren Gobernuak ordea, baserriak eta, oro har, lehen sektorea sustatzeko borondaterik ez duela salatu du Azpillagak. Elkarrizketan, transformazio gune kolektiboak zer diren zehaztu eta baserrien egoera zertan den azaldu digu baserriaXXI elkarteko kideak.
Ira 10
INFOZAZPI IRRATIA
HARREMANAK:harremanak@info7.eus - Iragarkietarako: iragarkiak@info7.eus
Telefono zenbakia:(0033) 5-59-47-84-91
