Greg Dulli (Afghan Whigs) eta Mark Lanegan (Screeming Trees) kantariek sortu berri duten The Gutter Twins taldeak hartuko du aste honetako Katuk morun saioaren azala. “Saturnalia” izeneko lehen diskoa argitaratu du The Gutter Twinsek eta datorren apirilean Bilbon aurkeztuko du zuzenean. Lan horretatik hartutako zenbait kantu entzuteko aukera izango da gaur gaueko saioan. Horrez gain, Karelean, Lightspeed Champion, Mary Weiss eta Lavender Diamond izango ditu aipagai Katuk morunek, Marah eta Thunder Expressen aste honetako kontzertuak oroitaraziko ditu, eta Dexy’s Midnight Runners taldearen aspaldiko kantu bat ekarriko du gogora.