Aste Santuaren osteko lehen ostegunean ere, asteari begira ekin diogu Zebrabideari, eta Boltxebike aldizkariko Kanitok aktualitatearen errepaso kritikoa egin digu. Ondoren, Inaxio Esnaolak ekarri dizkigu musika hitzorduak eta gomendioak. Eta saioaren lehen zatiarekin amaitzeko, TasTas irratiko kide Iñigorekin solastu gara Bizkaia aldeko kontuez. Saioaren bigarren zatian, Libe Botero izan dugu artearen txokoan Norman Fosterren arkitekturaz hizketan. Gaurko lehen elkarrizketatua Antton Karrera izan da eta Tolosan ospatzen ari diren Errepublikaren aldeko aste kulturalaz hitz egin digu berak. Ondoren, Leioa aldera begira jarri gara, Leioa BizizBerritzen ekimeneko kideek larunbatean aurkeztuko duten topalekuaren berri izateko. Eta Azaitz Gartziaren Talaiatik-eko hausnarketa entzunda agurtu gara.

 

 [Iraupena:1:48:34m] Erakutsi erreproduzigailua | Entzun lehio berrian | Deskargatu