Lehenik eta behin, Oiartzun Irratiko esatari Mirari Martiarenarekin hitz egin dugu, Oiartzungo eta Oarsoaldeko berriez. Ondoren, Euskal Herriko Bilgune Feministako Oihana Etxebarrietarekin joan den asteko Bilgune Kontarin landutako gai nabarmenen errepasoa egin dugu. Elkarrizketa, berriz, Gu gaitun federazioko Asier Lekuonari egin diogu, prostituzioan lan egiten dutenen aldeko elkarteek bateratuta sortu duten federazioaz aritu gara beraekin. Ondoren, euskal antzerkigintzaren tartea estreinatu dugu, eta EHAZE Euskal Herriko Antzerkizale Elkarteko koordinatzaile Itziar Eliasekin hitz egin dugu. Amaitzeko, gaur Info7 irratiko Kirol Leihoa saioan elkarrizketatutako Idoia Etxeberria harri jasotzailearen hitzak entzun ditugu.

 

 Erakutsi erreproduzigailua | Entzun lehio berrian | Deskargatu