Lehenik eta behin, Esan Erran irratiko esatari Josu Martirekin eta Halabedi irratiko Jon Aranbururekin hitz egin dugu, Ultzama eta Gasteiz aldeko berriez. Ondoren, Aitor Kaltzakorta eta Lander Arbelaitzekin euskarazko hedabideek dituzten oztopoei buruzko tertulia egin dugu. Elkarrizketa, berriz, Bilbo Hiriako Mieltxo Monfortek Josu Larrinagari egin dio, Abiadur Handiko Trenaren lanek eragindako zuloei buruz. Ondoren, gizarte eta ekonomia kontuetan murgildu gara, eta Gaindegiako koordinatzaile Imanol Esnaolarekin hitz egin dugu Euskal Herriko biztanleriaren jatorri aniztasunaren inguruan. Amaitzeko, eguneko adierazpenen tartean, gaur UEMAk eta Berastegiko Udalak eginiko salaketari egin diogu lekua.

 

 Erakutsi erreproduzigailua | Entzun lehio berrian | Deskargatu