Mehatxua egin du Nafarroako Gobernuak, orain arte eskalatzaileen paradisua izan den Etxauriko paretak erregulatzeko. Bertan  jendea gora eta behera aritzeak kalte egiten omen dio Bonelli arranoari, desagertzeko zorioan dago. Kabia jartzeko lasaitasun handia behar omen du eta Nafarroako Gobernuak paretak erregulatu nahi ditu Europako proiektuari ateak irekita. Baina hasieratik gaizki hasi zen dena, hala uste du Andoni Arabaolazak.  Beti bezala, dirutza dago atzetik, eta proiektua aurrera eramateko dekretu bidez egin nahi du erregulazioa, bertako  erabiltzaileekin, herritarrekin edo talde ekologistekin bildu gabe.  Haserre daude eskalatzaileak, eta ulergarria da. Baina ez al da haien jarrera egoista xamarra? Ez al du  arranoak guk baino eskubide gehiago bertan egoteko? “Argi dago Nafarroako Gobernuak oso gaizki egin dituela, baina baztertzen ari gara benetako protagonista, Bonelli arranoa”

 

 Erakutsi erreproduzigailua | Entzun lehio berrian | Deskargatu