Dantzaren Nazioarteko Eguna denez, Julio Bocca dantzari arjentinarraren hitzekin hasi dugu saioa. Jarraian, Estitxu Arozena bertsolariak hezkuntza eta bertsolaritza lotzen dituen soka aztertzen aritu da. Badok.info atalean Jon Eskisabelek Lisker musika taldeari buruzko xehetasunak ekarri dizkigu. Eta amaieran, Gorka Juliok, Facebook sare sozialak dituen zenbait alde iluni buruz jardun du.

 

 [Iraupena:0:53:36m] Erakutsi erreproduzigailua | Entzun lehio berrian | Deskargatu

Saioa hasi orduko aitortu dugu bero-bero etorri garela. Manex Fuchs aktore larzabaltarrak bere proiektuak aurkeztu dizkigu. Eta ondoren, desioaren musikari entzun diogu, Doctor Deseo taldeko Joxi Jimenez baxu jotzaileari egindako elkarrizketan. Eta dena borobiltzeko, gaur ilargi betea da!

 

 [Iraupena:0:55:16m] Erakutsi erreproduzigailua | Entzun lehio berrian | Deskargatu

Literaturaren txokoan Gari Berasaluzek Gernika Gernikara liburua gomendatu digu, Pablo Picasso margolariaren koadro famatua Bizkaiko herrira eramateko eskatzen duen herri mugimendu historikoaren bilduma egiten duen liburua. Matriuska atalean, Ibon Arrizabalagak azaldu digu aukera berdintasunaren aldeko lanean gizonezkoei zer faktorek eragiten dieten; besteak beste, homofobiaren hainbat aurpegi aztertuz. Azkenik, Koldo Otamendik Never Surrender musika taldearen azken diskoa ekarri digu.

 

 [Iraupena:0:54:37m] Erakutsi erreproduzigailua | Entzun lehio berrian | Deskargatu

Urdinaren partez, boligrafo gorria astindu dugu gaur. Mikroskopioarekin egin dugun erreportajean, Euskal Herriko zinemagileen egoera aztertu dugu; ohiko zailtasun eta oztopoak aipatu dizkigute Ane Muñoz eta Telmo Esnal zuzendariek, banaketan, marketingean eta finantziazioan dituzten beharrak azpimarratuz. Bestalde, estreinatu berri duten 80 egunean filma zuzendu duten bi zuzendarietako bat elkarrizketatu dugu, Jon Garaño.

 

 [Iraupena:0:55:41m] Erakutsi erreproduzigailua | Entzun lehio berrian | Deskargatu

Lauroba taldeko Iker, Haritz eta Alain izan ditugu gaur estudioan eta sekulako oilategia sortu dute euren umore eta saltsarekin; Egunarekin diskoa aurkeztu digute. Bestalde, Aitor Martinezen egunerokoa izan dugu, eta bere maitemin nobelatuaren berri jaso ere bai. Eta noski, Hairspray filmeko doinuek musikal giroa ekarri digute eta ostiraletan ohikoa izan ohi den gerri-buelta astintzeko gogoa.

 

 [Iraupena:0:55:0m] Erakutsi erreproduzigailua | Entzun lehio berrian | Deskargatu

Islandiako Eyjafjailajökull sumendia ondo ahoskatu ezinik hasi dugu saioa. Aiora Kintana satorrak instalazio artistikoei buruzko azalpenak ekarri dizkigu ondoren. Badok.info atalean Jon Eskisabelek Haizea taldearen (Txomin Artola, Amaia Zubiria…) xehetasunak eman ditu. Azkenik, Gorka Juliok, Interneteko herri-lurrak zer diren eta nola elikatu ditzakegun azaldu digu.

 

 [Iraupena:0:53:38m] Erakutsi erreproduzigailua | Entzun lehio berrian | Deskargatu

La Bola de Cristal programako elektroipotxen jarduna gogoratu dugu hasieran. Bunpada Sound taldeko Endika Abella musikariak Anitzak Hitzak diskoaren xehetasunak eman dizkigu. Jexux Mari Irazuk Bertsolaritzaren Galerian bat-batekotasunaren garapenari buruz jardun du. Eta, sarrerak banatu (nahi izan) ditugu EHZk ostiralean Hazparnen egingo duen Elektrotasuna jaialdirako (oraindik garaiz zaude idazteko anfora@info7.com).

 

 [Iraupena:0:51:56m] Erakutsi erreproduzigailua | Entzun lehio berrian | Deskargatu

Arte aktibista egiten dutenak artibistak direla jakin dugu atarian. Ondoren, Matriuska ireki eta Miren Arangurenek lesbianismoa aztertu du. Josune Monton aktoreak King Kong neska antzezlanaren nondik norakoak azaldu dizkigu. Eta amaieran, Koldo Otamendik Natural Project talde andoaindarra gomendatu digu.

 

 [Iraupena:0:54:0m] Erakutsi erreproduzigailua | Entzun lehio berrian | Deskargatu