Andoni Tolosaren Hegoaldeko ostatuan musika saioan, Europa ekialdeko judutarren Yidish kulturan oinarrituta dagoen Klezmer entzun da. Tradizionalki judutarren artean ezkerreko jarreren sustengua gertatu da Yiddish hizkuntza eta batez ere musika. Agian horregatik baztertua 80ko hamarkadatik aurrera sekulako bultzada jaso du hainbat talde berritzaileei esker. Horietako batzuk aditu genituen; Klezmatics, Franck London, Socalled, David Krakauer… eta baita ikusi ere zer gertatzen den musika mota hau hip-hop edo rockarekin nahasten direnean.

 

 [Iraupena:0:59:22m] Erakutsi erreproduzigailua | Entzun lehio berrian | Deskargatu

Andoni Tolosak Michael Doucet eta Beausoleil artista eta taldearen musika ezagutzeko parada eman du. 1975ean sortu zenetik Beausoleil taldea bihurtu da Cajun musikaren talderik ezagunenetakoa eta Michael Doucet bibolin jotzaile, kantari eta musikologoaren inguruan sortutako taldeak oraintxe kaleratu du “Alligator Purse” (Yep Yop Records 2009) 22. diskoa. Disko honen aurkezpena baliatuz taldearen kanturik ezagunenetako batzuk entzun ahal izan dira saio honetan. Horretaz gain Cristina Branco, P18 eta Oumou Sangareren azken lanak estreinatu dira.

 

 [Iraupena:0:58:48m] Erakutsi erreproduzigailua | Entzun lehio berrian | Deskargatu

Urtarrilaren 29an hil zen John Martyn Erresuma Batuko folkaren kantari eta gitarra jotzaile beltzena. Jazz, blues eta soul musikak ondo mamitu eta folkarekin uztartu zituen 60ko hamarkada amaieratik aurrera eta 70ko hamarkadan burutu zituen bere diskorik garrantzitsuenak; “Solid Air”(73), “Inside Out” (73) eta “Sunday´s Childs” (75). Besteak beste, disko horiei errepasua eman da Andoni Tolosaren Hegoaldeko Ostatuan.

 

 [Iraupena:0:59:28m] Erakutsi erreproduzigailua | Entzun lehio berrian | Deskargatu

Gianmaria Testa kantari Italiarrak ahots sakona du eta oso kantaera klasikoa, Italiar kantari bati dagokionez; Paolo Conte eta enparauen jarraitzaile Boloniakoak historia xumeak kontatzen ditu modu xumean. Hori agerian geratzen da oraintsu kaleratu duen “Solo Dai Vivo” zuzeneko diskoan. Disko hori aurkeztu da Slumdog Millonaire filmaren soinu bandarekin batera Hegoaldeko Ostatuaren saio honetan.

 

 [Iraupena:0:58:44m] Erakutsi erreproduzigailua | Entzun lehio berrian | Deskargatu

Andoni Tolosak Estatu Frantseseko doinuetatik Afrikarako bideetara eramaiten gaituen bidai musikalera gomitatu gaitu.

 

 [Iraupena:0:59:38m] Erakutsi erreproduzigailua | Entzun lehio berrian | Deskargatu

Ghanan guztiahalduna gertatu den higlife musikaren ondorengo zuzena, musika mota hori hip-hop, ragga eta dancehalaren nahasketatik sortutako hiplife musika da azken urtetan jaun eta jabe Ghanako entzuleen gustuei dagokienez. Rec Out diskoetxe Alemanak kaleratu berri duen Black Star bilduma lana aitzakia hartuta hiplifearen berri jaso da Andoni Tolosaren Hegoaldeko Ostatuaren saio honetan.

 

 [Iraupena:0:59:7m] Erakutsi erreproduzigailua | Entzun lehio berrian | Deskargatu

Andoni Tolosak nazioartean egiten diren musika ezberdinei lotzea proposatu du.

 

 [Iraupena:0:58:30m] Erakutsi erreproduzigailua | Entzun lehio berrian | Deskargatu

Andoni Tolosaren Hegoaldeko ostatuan musika saioan Uxia kantari Galegoaren azken diskoa “Eterno Navegar” aurkezteaz gain eta hura aitzakia hartuta musika portugaladarrean zehar ibilbidetxo laburra egiteko parada izan da. Julio Pereira birtuosoaren azken diskoa “Geografias” aurkeztu eta Gaiteros de Lisboa talde estimatuaren alderik berritzaileena ezagutuko dugu. Azkenik Brigada Victor Jara eta Vitorino kantariaren arteko elkalanaren emaitza ezagutu da musika Portugaldarraren bi klasiko aurrez aurre.

 

 [Iraupena:0:58:49m] Erakutsi erreproduzigailua | Entzun lehio berrian | Deskargatu