Andoni Tolosak kudeatzen duen Hegoaldeko Ostatuan musika saioan Herri musikak eta elektronikak bat egiten duten bidean hainbat emakumeen ahotsak entzun dira. Brasildik, Etiopiara eraman gaituzte ahots hauek; Bebel Gilberto, Natacha Atlas, Lisa Gerrard, 3 Na Massa, Saba, Susheela Raman, Camille, Sevara Nazarkhian…… dira entzun ditugun batzuk. Nahiko saioa bidaiari eta musikalki lasaia gertatu den saio honetan, elektronikaz jantzitako zapore herrikoiak maite dituztenak, gozatzeko aukera bat baino gehiago eduki dute.

 

 [Iraupena:0:58:52m] Erakutsi erreproduzigailua | Entzun lehio berrian | Deskargatu

Burkina Fassoko Griot familia bateko kide 30 urteko ibilbidea burutu ondoren lortu du Victor Demek izen bereko lehen diskoa kaleratzea. Disko honetan kantatutore afrikarren bideari fidel heltzen dion kantari fina eta gitarra jotzaile bikaina topatu genuen. Seun Kuti, berriz, Fela Kutiren beste semeetako bat (20tik gora eduki omen zituen) da aitaren ibilbidearen jarraitzalerik “zintzoena”. Egypt 80 taldearekin batera grabatutako “Many Things” disko bikainak afro beat indartsuena bizirik dagoela adierazten du. Azam Ali Arabiar- AEBtarraren ahots gozo baino indartsuaren berri jasotzeko zer hobe Esylum disko arrakastatsuko kantuez hainbatek egindako birnahasteak entzutea baino. “Esylum Remixed” du izena diskoak eta arabiar elektronikaren mundura hurbildu gintuen.

 

 [Iraupena:0:58:15m] Erakutsi erreproduzigailua | Entzun lehio berrian | Deskargatu

Hegoaldeko Ostatuan musika saioan aurreko saioa Jose Afonsoren kantuen bildumari eskaini zitzaion moduan, oraingo hau Jose Afonsoren kantuei egindako bertsioekin burutu da irratsaioa; Dulce Pontes, Madredeus, Setima Legiao, Resistencia, Brigada Victor Jara, Cristina Branco…. Portugaleko musikaririk entzutetsuenek Zeca Afonsori eskainitako homenaldi musikalekin osatu da Hegoaldeko Ostatuaren atal hau.

 

 [Iraupena:0:58:45m] Erakutsi erreproduzigailua | Entzun lehio berrian | Deskargatu

Andoni Tolosak kudeatzen duen Hegoaldeko ostatuaren 77garren atalean Bob Brozman gitarra jole humoretsuaren azken lana “lumiere” aipatu du. Horretaz gain Mercan Dede Turkiar musikari ezagunaren “800” azken lana ere entzun da. Eta Alberto Iglesias konposatzaile Donostiarrak Afghanistanen girotutako “The Kite Runner” filmarako egindako soinu banda ezagutu dugu.

 

 [Iraupena:0:58:39m] Erakutsi erreproduzigailua | Entzun lehio berrian | Deskargatu