Andoni Tolosaren Hegoaldeko Ostatuan musika malenkoniatsu mordoa entzun da; folk, soul, jazz eta pop musiketatik hurbilago munduko musiketatik baino, nahiz eta artistak munduko bazter ezberdinetatik etorri. Besteak beste Natalie Merchant, Bebel Gilberto, Raul Midon, Dirtmusic,  Me’Shell NdegeOcello, Richard Bona, Meklit Hadero, Dobet Gnahoré, Cesária Évora, Antonio Zambujo 
edota  Amira & Merima Ključo artisten kantuak entzun dira.

 

 Erakutsi erreproduzigailua | Entzun lehio berrian | Deskargatu

Hiru doinu instrumentalekin hasi da Andoni Tolosaren Hegoaldeko Ostatua saioa, Le trio Joubran, Balmorhea eta Dirtmusic taldeekin, alegia. Trantze musikarekin harreman zuzena duten bi pieza bilutsi entzun dira ondoren (Konono No1 eta Rango, Tumi 6 The Volume eta Clorofilak elektronika apur bat hel arazi digute. Ondoren Los Delinquentes taldearen disko berriaren aurrerapena entzun da eta Oquestrada talde Portugaldar berriaren Tasca Beat lehen diskoa ere estreinatu da, bertako kantu parea entzun da.

 

 Erakutsi erreproduzigailua | Entzun lehio berrian | Deskargatu

Hegoaldeko Ostatuaren hasiera nahiko “rockeroa” izan da:  Tumi & the Volume taldearekin hasi, Dirtmusic Chris Eckman eta enparauen “supertaldearen” bigarren diskoa aurkeztu, Marokoko eszena rockero gaztearen izenik nabarmenena den Hoba Hoba Spirit taldearen azken diskoa estreinatu eta Gogol Bordelloren azkena gogoratuko da. Gure denboran bidaiatzeko makinak 1973ra eraman ditu lehenik entzuleak Hezdoleh Ghanako talde mitikoaren lehen disko historikoa “Masekela Introducing Hedzoleh Sound” berreskuratzera eta ondoren Nick Jones Ingelesaren kantu bikain parea berreskuratzera.

 

 Erakutsi erreproduzigailua | Entzun lehio berrian | Deskargatu

Hego Afrika modan dago eta baita bertako musika ere. Hori dela eta azken astetan ugariak izan dira gurera iritsi diren bertako disko eta musikariak. Kontutan hartuta potentzia musikal handia dela maizago gertatu beharko luke horrek… Hegoaldeko Ostatuan Next Stop Soweto bildumaren lehen bi aleak aipatu, Tumi & the Volume hip hop taldearen bigarren diskoa estreinatu eta House Hegoafrikarraren adibideren bat entzun dira. Pieza klasikoak eta gaur egungoak uztarturik. Horretaz gain Nortec Collectiveko kide den Clorofilaren eta Cibelle Brasildarraren azken diskoak aurkeztu dira.

 

 Erakutsi erreproduzigailua | Entzun lehio berrian | Deskargatu

20 urte bete dira Gato Perez hil zela, eta hori dela eta monografikoa eskaini zaio Hegoaldeko Ostatuan. Javier Patricio (Gato) Perez Kataluniako runbaren berritzaile nagusia gertatu zen 70ko hamarkada amaieran, disko bikainak eta batez ere kantu ederrak bidean utzita. Horietako batzuk entzungo dira saio honetan; “Todos los gatos son pardos”, “Rumba de Barcelona”, “El ventilador”.. eta beste hainbat. Poesia urbanoaren maisu eta erritmo latinoak (salsa, descarga..) eta ijitoen runba nahasten antzindari ugariak dira azken urtean haren izena goraipatu dutenak, geuk ere geure apurtxoa gehitu nahi dugu ahalegin horretan eta batez ere gozatu haren kantuekin.

 

 Erakutsi erreproduzigailua | Entzun lehio berrian | Deskargatu

Kutsu latinoko kantuekin hasi; (Cu Cu Diamantes Kubatarraren “Welcome to cuculand” eta Soledad Villamil Argentinarraren “Morir De Amor”), Afrikar kontuetara pasa (Mulatu Astatke Etiopiarraren “Steps Ahead” eta Lokua Kanzaren “Nkolo”) eta bitartean Gogol Bordelloren disko berria bisitatu “Trans-Continental Husttle” eta musika gozo apur bat Damien Jurado eta Balmorhea Texarren azken diskoekin igaro da Andoni Tolosaren Hegoaldeko Ostatua. Azkenean memoriaren txoko horretan, 60ko hamarkadan folk-rock musika irauli zuen Increndible String Band taldearen hiru harribitxi entzuteko aukera izan da saioaren amaieran.

 

 Erakutsi erreproduzigailua | Entzun lehio berrian | Deskargatu

Hiru emakume Europa ekialdera eta Asiara begira ezagutu dira Hegoaldeko Ostatua saioan. Hil berri den Ljiliana Butler kantari Bosniarra homenalditxo xumea egin zaio “Frozen Roses” bere azken lana berreskuratuz. Horretaz gain eta Bosniako sevdah musikak baduela jarraitzailerik agerian geratu da Amira Sarajebotarrak Merima Ključo soinujolearen laguntza bakarraz kaleratutako Zumra lana estreinatuz. Azkenik Sezen Aksu kantari turkiar arrakastatsuenetako baten azken lana ere estreinatu da Yürüyorum Düş Bahçeleri’nde… bertatik adibide parea entzunez.

 

 Erakutsi erreproduzigailua | Entzun lehio berrian | Deskargatu

Hegoaldeko Ostatuaren saio honetan Meklit Hadero San Franziskon bizi den Etiopiar kantariaren ahots indartsuarekin gozatu, Dobeth Ganhore Boli Kostako kantariaren bigarren lan luzea ezagutu eta Steve Martin aktore aldrebes samarraren alde musikala ezagutu dira. Azkenik No One Knows About Persians Cats filmaren soinu bandaren bidez Irango “underground” musikaren adibide batzuk entzun dira.

 

 Erakutsi erreproduzigailua | Entzun lehio berrian | Deskargatu