D ereduaren alde milaka lagun bildu dira gaur arratsaldean Iruñean ospatu den manifestazioan. Guardia Zibilak D ereduko irakasleen ideologia biltzen duen txostena osatu duela jakin zenetik, euskarazko irakaskuntza erasotu du UPNk. Gaiaz mintzatzeko, Bakartxo Ruiz legebiltzarkidea izan da gaur gurean.

 

 Erakutsi erreproduzigailua | Entzun lehio berrian | Deskargatu

Igeldo herri bihurtuko dela jakin dugun egunean, Bizkaira begira jarri gara. Usansolo Galdakaoko auzoa da, baina bertako bizilagunek urte luzeak daramatzate herri izan nahi dutela aldarrikatuz. Ziortza-Bolibar-ek, berriz, 2004. urtean utzi zion Markinako auzo izateari eta herri bihurtu zen. Euskal Herrian sortutako azken herria dugu Ziortza-Bolibar. Bada, Monika Mena Usansolo Herria plataformako kidea eta Rakel Gandiaga Ziortza-Bolibar-ko herritarra gurean izan dira.

 

 Erakutsi erreproduzigailua | Entzun lehio berrian | Deskargatu

Euskal Herriko bertsolari txapelketa nagusiko finalaren biharamuna dugu gaurkoa. Amets Arzallus txapeldun, Maialen Lujanbio txapeldun-orde eta hortxe, gertu-gertu, hirugarren postuan Igor Elortza. Bizkaitarrarekin izan gara, oraindik ere txapelketaren itzala gainean duela.

 

 Erakutsi erreproduzigailua | Entzun lehio berrian | Deskargatu