Oihana Lopez eta Irati Tobar gazteak epailearen aurretik pasa beharko dute irailaren 22an bertze 26 gazterekin batera. SEGIkoak izatekoa leporatzen diete. Martxan da elkartasun kanpaina eta gaur arratsaldean manifestazioa egingo da Donostian. Gazte horietako asko tortutatuak izan ziren eta autoinkulpazioetan oinarritzen dira beraien aurkako frogak. Ihes egitea lortu zuten beste batzuk, Izpuran itxialdia egin zuten eta alderdi anitzen babesa jaso zuten.

 

 Erakutsi erreproduzigailua | Entzun lehio berrian | Deskargatu

Ibai Kareagak aitortu digu tamalez tarte txikia duela euskarak Bilboko Aste Nagusian. Horregatik festa euskaldun eta parekideak lortzeko helburuarekin egitarau oparoa antolatu dute Arenaleko Euskalgunean. Txori Barrote, Hau Pittu Hau eta Eguzkizaleak konpartsak osatzen dute Euskalgunea.

 

 Erakutsi erreproduzigailua | Entzun lehio berrian | Deskargatu

Ostiralero egiten dugun zine tartea aurreratu egin dugu gaur. Astero moduan hainbat zine proposamen egin dizkgu Gaizka Izagirre kolaboratzaileak, eta Donostiako Aste Nagusia gero eta piratagoa dela aprobetxatuta, berak ere bost proposamen pirata egin dizkigu. Horretaz gain, zinema munduaren friki izateko orrialde web batzuk ere proposatu dizkigu, bertan dena dago salgai, gutxien espero duzuna ere.

 

 Erakutsi erreproduzigailua | Entzun lehio berrian | Deskargatu

Gaizka Arangurenekin eta Patxi Gaztelumendirekin egin dugu gaur tertulia. Kataluniara begira jarri gara, Generalitateko presidente ordearen adierazpenek mahai gainean jarri baitute berriro ere azaroaren 9ko galdeketa. Bestetik, egunkari espainolek gaur aipatzen dute, irailaren 11ko Diadan iaz baino gutxiagok eman duela izena, eta Puyol aferak horretan baduela zerikusia. Nazioarteko indarrei buruz ere galdetu diogu Gaztelumendi eta Arangureni, eta galdeketa eginez gero, Espainiako Gobernuak hartuko duen jarreraren inguruan: aterako al du ejerzitoa kalera?

 

 Erakutsi erreproduzigailua | Entzun lehio berrian | Deskargatu

Ostiral honetan Flashmob berezia egingo dute Burlatan, ehundaka preso politikok eta haien senideek bizi dute dispertsoa bertan behera uzteko eskatuko dute dantzan eta kantuz. Burlatako Itxasok eman dizkigu xehetasun guztiak, oraindik ere garaiz zaudete interneteko bideoetan pausoak ikasi eta ostiralean elkartasunez dantza egiteko.

 

 Erakutsi erreproduzigailua | Entzun lehio berrian | Deskargatu

Irati Anda haitzetan eskalatzen ikustera ohituak gaude, baina oraingoan bizikletaz egiteko txangoa proposatu digu. Nafarroa iparraldean dagoen Malerreka eskualdea ezagutzeko eguneko proposamena egin digu gaurko Karelean saioan. Guztira 20 kilometro inguru, hasierako malda edonor beldurtzekoa bada ere, paseo polita dela erran digu. Gainera, arratsaldean beti badago aukera Leurtzako urtegian freskatzeko.

 

 Erakutsi erreproduzigailua | Entzun lehio berrian | Deskargatu

La Flamenka itxi dute bart, eguraldi txarraren ondorioz. Kalteak handiak izan dira baina herri mugimenduak aitortu du inor ez dela zauritu eta hori dela garrantzitsuena. Goiza eman dute jasandako kalteak baloratzen, teknikoki galera handia izan da.  Hala ere, kalteen gainetik eta bizitutako momentu gogorren gainetik jasotako elkartasuna azpimarratu du Batis Ezeizak. Alde zaharreko tabernek jatekoa eta kafe beroa eraman dute La Flamenkara, alde zaharreko bizilagunek aldiz, arropa idorra. Erabat indarberritu ditu horrek.

 

 Erakutsi erreproduzigailua | Entzun lehio berrian | Deskargatu

Ilargia ohi baino haindiago ikusi dugu aste honetan, 14 handiagoa. Baina zergatik gertatzen da hori? Bertzetik, gaurko gaua aproposa izan da izan iheskorrak ikusteko, Euskal Herrian, ordea eguraldi txarragatik ez dugu aukerarik izan, hurrengo egunetan ordea, gauetan zerura begiratuz gero izango dugu izar espektakuluaz gozatzeko aukera. Donostiako Kutxa Espazioko Miren Milletek eman dizkigu azalpenak.

 

 Erakutsi erreproduzigailua | Entzun lehio berrian | Deskargatu