Kalegorrian aritzen den Jon Mikel Fernandezek, urteak Euskal Herritik kanpo igaro eta etxera itzultzen hasi diren iheslarien gaiarekin egin du erreportaia. Testuinguru politiko berriari ekarpena egin dio iheslarien kolektiboak, modu mailakatuan sorterrira itzuliz. Askorentzat berezia zalantzarik gabe, urte askoren ondoren, beraien herri eta auzoko festez gozatu ahal izango dutelako.
Uzt 23
Beste urtebetez Tourra Pirinioetan dela baliatuz, ESAITek 14. aldarrikapen martxan egin du Saint Gaudensen hasi eta Saint Lary pla d´Adeten amaitu dena. “Aukera paregabea da giro onean euskal selekzioen ofizialtasuna aldarrikatzeko” aitortu du Martxel Toledok. Atzokoan gendarmeek karpan alkoholdun edariak saltzea debekatu ziela kontatu digu. Halaber, beste urteetan baino jende gutxiago dagoela eta, zer hausnartu badela uste du Toledok.
Uzt 23
Baionako gazte asanbladako kide Ieltxu Ostolazak guztia prest dutela bestetan murgiltzeko adierazi du. Lapurdiko hiriburuko ereduari aurre egin eta besta eremu herrikoi, euskaldun eta parekidea martxan jarriko dute beste behin. Antolatu dituzten ekitaldien berri eman digu.
Uzt 23
Bateragune auziko abokatuak salatu du epaia ez dietela helarazi, eta beste behin medioen bidez jakin dutela dakitenaren apurra. “Narvaez epaileak hiru ordutan helegitea aztertu, iritzia eman eta arrazonamendu juridikoak eman ditu. Aurretik jakinaren gainean ez bazegoen, hori ezinezkoa da” ohartarazi du abokatuak. Justizia trantsizionala aldarrikatu du Goirizelaiak. Hurrengo urratsa Estrasburgon helegitea jartzea izango dela kontatu digu. “Zigortuek animo eta aurrera! esan didate” esan du Goirizelaiak atzo Arnaldorekin hitz egin ondoren.
Uzt 23
Ezetz asmatu zein den Angel Oiarbidek KARELEAN saiorako aukeratutako abestia?
Uzt 23
Solasaldiarako eta hausnarketarako gonbidatuak gaurkoan Mikel Garcia eta Olatz Dañobeitia izan ditugu. Kontsumo ohiturez eta orohar kontsumismoaz jardun dute.
Uzt 23
Abuztuaren 13tik 15era antolatu dute Ikasle Abertzaleek Eskola Ibiltaria ekimenaren 12. edizioa. Ziburun hasi eta Donostian amaituko da, jaia eta formakuntza uztartuz. Bi gau Hendaian eta Lezon igaroko dituzte. “Gaur egungo hezkuntza ereduarekin apurtu eta kalea hartuz mugarik gabeko eskola eraikiko dugu egun horietan” adierazi du Antxon Rodriguezek.
Uzt 22
Migel Angel Llamas “Pitu” euskal preso politiko ohiak Valdemorroko espetxean egon zenean, egunerokoa apurtzeko baliabide gutxirekin egiten zituzten errezetak zein ziren kontatu dizkigu. Jakiak aitzakiatzat hartuta, presondegi honetako egunerokoaz eta bizi baldintzetaz jardun du Pituk.
Uzt 22
INFOZAZPI IRRATIA
HARREMANAK:harremanak@info7.eus - Iragarkietarako: iragarkiak@info7.eus
Telefono zenbakia:(0033) 5-59-47-84-91
