Danbor hotsen oihartzuna geratu da urte berriari hasiera emateko. Hotsak, burrunbak, melodiak, … Ñabardura ororen gainetik 2013a ondo baino hobeto abiatu nahi dugu hileroko metal mainxtreem dosiari segida emanez. Askotariko erritmoak pilatu ditugu aurreneko nobedade sortan Burdinolaren atal honetan: Wintersun, The Faceless, Orden Ogan, Secret Sphere, Izu Nauk, Killers, MySweet Torment, Evil Killer, … Sendo gatoz.
Urt 22
Hileroko hitzordua gaizto bete dugu, eta iritsi da azkena. Benetan azkena izango ote den abenduaren 21etik aurrera jankingo dugu. Horregatik, aurreratu dugu abenduko alearen emisioa. Burdinola saioan ez dugu ezeren akaberarik iragarri, baina nobedade apartak lirateke horretarako: Mors Principium Est, Aeternam, Bloodbound, Kamelot, Lavett, Soulitude, Black Absinthe, A.D, Dabelyu, Dead Means Nothing, … Urteko azken dosia prest dugu!
Abe 18
Eguraldi petrala iritsi da. Euria eta hotza. Neguaren gorritasuna badatorrela ematen du. Aukera, nahiago dugu metal ekaitza. Bestela, aterpean jarri eta heavy metal doinuez gozatzeko hitzordua ez dugu albo batera utziko. Han eta hurrengo nobedade interesgarriak ez dira falta Burdinola saioan: Kiss, I Legion, Dragonforce, Helloween, Devil Townsend Project, Incursed, Hiverland, Etorkizun Beltza, Legalize Murder,…
Aza 27
Hauteskundeen atarian, heavy metal doinuak aproposak dira azken egunetan batzuen eta besteen esanak irensteko. Botoa erabakitzeko argibiderik ez dugu emango, ezta zehazteko botoa baliagarria den edo ez. Nolanahi ere, eramangarriagoa izan dadin hautagai interesgarriak batu ditugu Burdinola saioan: Sybreed, Vision Divine, Testament, Tankard, Steve Harris, Conflict Noise, The Descent, Mandragora Negra,…
Urr 16
Oporraldia joan da eta denboraldia badator. Murrizketarik ez da izango gurean, BEZaren igoerak ez du aparteko eraginik izango, eta oraindik medikuek ez dute debekatu heavy metal musikaz entzutea. Are gehiago, terapia gisa ulertzen dute askok bizi ditugun garaietarako. Horregatik ere bueltan da Burdinola heavy metal irratsaioa. Hasteko, nobedade sorta interesgarria bildu dugu, udazkenean zer esana emango duena: Katatonia, Manowar, Fear Factory, Gauntlet, Babymetal, Gojira, Omendark, Thershold, … Hileroko dosia abian da!
Ira 18
Metal musikak biolentzia eragiten duela esan dute urteetan. Badirudi rock gogorrean ere badirela sekretupean aritzen direnak. Burdinola heavy metal irratsaioa, ordea, ez. Agerian eta ezer ezkutatu gabe menu oldarkorra prestatu dugu: HAMMERFALL, IN FLAMES, AMORPHIS, ARKAN, KORUMBA, NOIZEANBEHIN, WELL OF ANGER, STRYPER, … Ohiko atalek are gehiago gogortuko dute.
Eka 17
Denboraldiko azken hilabetean sartu gara, uda atarian. Eguraldia nahasia da eta metal berrikuntzak ere halakoak dira. Izan ere, ezusteko on eta txarrak ematen dira. Bietatik eskaini dizue Iñaki Esnaolak Burdinola heavy metal irratsaioan: DREAMTALE, NORTHER, THE HAUNTED, SOBER, GAMORA, LINED, REBORN, ANVIL, … Ohiko atalez osaturiko menu gordina.
Eka 03
Ez da giro kalean eta hauteskundeak hor daude, atarian. Bozkatu edo ez, metal musikaren aldeko botoa eskatu du Iñaki Esnaolak Burdinola heavy metal irratsaioan. Horretarako arrazoiak ez dira falta: Septic flesh, Arch Enemy, Suidakra, Amaranthe, Gaueko Itzalak, Daemonlord, Butronian, Caliban…Ohiko atalez osaturiko menu gordina.
maiatza 20
INFOZAZPI IRRATIA
HARREMANAK:harremanak@info7.eus - Iragarkietarako: iragarkiak@info7.eus
Telefono zenbakia:(0033) 5-59-47-84-91
