La memoria propone un programa sobre Gaza , con una entrevista a Jose F Duran Velasco, Doctor de Filogia Arabe de la Universidad de Sevilla.
Uzt 29
Nahiz eta uda opor garaia den, preso politikoen senideek ezin dute atseden hartu, eta uztaila zein abuztuko asteburuetan ere milaka kilometro egin beharko dituzte. Dispertsioak 25 urte bete dituen honetan, hura amaitzeko aldarrikapena hondartzetara eramango du Etxerat elkarteak. Kostaldeko hondatza askotan deitu dira mobilizazioak, Etxerateko webgunean aurkituko dituzue xehetasun guztiak. Horretaz gain, Mirentxineko furgoneta batek izandako istripuaz ere aritu gara, eta presondegietako errepresioaren inguruan Kepa Arkauz arrasatearen egoera abiapuntu.
Uzt 28
Donostiako Piraten bozeramaile Batix Ezeizarekin solastu dugu gaur Jaurlaritzatik jasotako eskutitza dela eta. Bertan, Aste Nagusian portua erabiltzeko debekua jaso dute. Erabaki horren aurrean harrituta daudela aitortu digu Piraten bozemaileak; hala ere, ziurtzat jo du aurten La Flamenca guneaz gozatzeko aukera izanen dela.
Uzt 28
Abuztuaren 2an amaituko da Mugitu mugimenduak antolatutako AHTaren kontrako martxa. Gernikatik Lemoizera egin dute gaur, eta bidean zela solastu dugu Iñigorekin. Esperientzia oso polita dela aitortu digu, giroa oso ona dela, eta, herriz herri, jasotzen duten ongi etorria hitzez behintzat ezin dela definitu. Martxara batzeko gonbitea luzatu digu ere.
Uzt 28
Besteak beste hori oihukatu zuten uztailaren 25ean, Bilboko Decathlon enpresa aitzinean bildutako hainbat herritarrek. Izan ere, urtean 8 jai egunetan irekitzeko baimena dute saltoki handiek. Herritarren protesten ondorioz kirol dendak ez zituen ateak ireki. Denden ordutegien inguruan, eta Arabako Aldundiak udako hezitzaile bat kanporatu izanaz ere aritu gara solastea Xabi Aizpurua eta Ikoitz Arreserekin gaurko karelean.
Uzt 28
Ezetz asmatu zein den Ramon Agirre aktoreak KARELEAN saiorako aukeratutako abestia?
Uzt 28
Asko eta asko dira gure belarrietara iristen zaizkigun istorioak. Zalantzan jartzen dira batzuk, baina herritarren artean zabaltzen doazen neurrian, indarra hartzen dute. Asko kuriosoak dira, besteek barrea eragiten digute… Horietako batzuk kontatu dizkigu Martin Kitto istoriolariak. Gaur drogen gainean zabaldutako mitoak.
Uzt 25
Gaur Durangon hasi eta abuztuaren 2an Bilbon amaituko da AHTaren kontrako bizikleta martxa. “Bizkaiko zortzi eskualde igaroko ditu martxa honek, eta eskualde hauetan lurraren defentsan eta egitasmo suntsitzaileen kontrako mugimenduak ezagutuko ditugu” adierazi du Mikel Alvarezek, Mugitu! mugimenduko kideak. AHTak eta gisa horretako egitasmoek jendarte eta ekonomika desoreka eragiten dutela salatu du, ez dituztela herritarren nahiak hasetzen. “Honek suposatzen duen etorkizuneko garapen eredua zalantzan jarri behar da” azpimarratu du Alvarez.
Uzt 25
INFOZAZPI IRRATIA
HARREMANAK:harremanak@info7.eus - Iragarkietarako: iragarkiak@info7.eus
Telefono zenbakia:(0033) 5-59-47-84-91
