Entzungai eta ikusgai dago www.muguruzafm.com orrian Fermin Muguruzak kaleratu duen azken diskoko singlea, bideo-kliparekin batera: BALAZALAK. Diskoak Asthmatic Lion Sound System du izena eta, besteak beste, honako hauek parte hartu dute bertan: Jamaikako Stephanie Wallace ahotsean, Franklin Bubbler Waul teklatuetan, Kubako Victor Navarrete edota Iruñeako Hedoi Etxarte bibolinean.

 

 [Iraupena:0:3:48m] Erakutsi erreproduzigailua | Entzun lehio berrian | Deskargatu

Mendizale askoren topalekua izaten da Hernio mendia iraileko igandeetan; urte luzez erromeria egiteko ohitura baita bertan. Datorren igandekoa da azkena eta jendetsuena izatea ere espero da. Bertan bilduko dira dantzarako eta festarako gogoz dauden Larraul, Asteasu, Alkiza, Hernialde, Tolosa, Albiztur, Bidania-Goiaz, Errezil eta Aiatik joandako herritarrak.

 

 [Iraupena:0:5:11m] Erakutsi erreproduzigailua | Entzun lehio berrian | Deskargatu

Urriaren 3an estreinatuko da Piarres Larzabalen antzezlana, Ibañetan euskaldunek Karlomagnoren tropei nola irabazi zieten kontatzen duena. Gure historiako gertakaria Ander Lipusen berritasunarekin ikusi ahal izango da, apostu estetiko ugari egin baititu antzezlan honetan. Besteak beste, agertokiaren berezitasuna, ikuslegoaren erdian kokatua.

 

 [Iraupena:0:5:24m] Erakutsi erreproduzigailua | Entzun lehio berrian | Deskargatu

Donostiako Zinemaldiaren baitan gaur Euskal Zinemaren eguna da. Bertan bi sari banatuko dira: bata, Amalur saria, Maribi Bilbao aktorearentzat eta bestea, Ibaia saria, “Ama Lur” filmarentzat. Azken honek diktadura garaian zutik bizi zen Euiskal Herria erakusten du. Zentsuraren hatzaparretatik igaro den filma, duela 40 urte estreinatu eta orain EHKEk remasterizatu eta banatu duena.

 

 [Iraupena:0:6:13m] Erakutsi erreproduzigailua | Entzun lehio berrian | Deskargatu

Europar Parlamentuak Internet bidezko telebista egitasmoa jarri berri du abian. Helburua, herritarrei hogei hizkuntzatan Europar Batasuneko hainbat instituzioren jarduerari buruzko informazioa hurbiltzea da. Hilaren 17az geroztik dago martxan “EuroparlTV”.

 

 [Iraupena:0:5:51m] Erakutsi erreproduzigailua | Entzun lehio berrian | Deskargatu

Ohitura bilakatu duten Les-Gay-Trans kanpaldiarekin abiarazi dute ikasturte berria EHGAMekoek. Dagoeneko 17. urtea dute da gisa honetako ekimen bat antolatzen dutela. Kanpaldira gerturatu direnek egun ardura eragiten dien gaiak jorratu dituzte baina ikasturte berrirako helburuak ere zehaztu dituzte. Besteak beste, transexualitatea pertsonaren aukera dela ikustaraztea.

 

 [Iraupena:0:4:17m] Erakutsi erreproduzigailua | Entzun lehio berrian | Deskargatu

Atzo iritsi ziren Bardeetara Zaraitzu eta Erronkariko ardiak eta artzainak. Astebetez abelbideetan barrena ibili ostean, gehienak iritsi dira helmugara eta han pasako dituzte udazkena eta negua. Atzo bota zuten Erriberako zelaietan bazkatzeko garaia heldu dela adierazten duen tiroa eta hemendik aurrera ekainaz geroztik hutsik egon diren zelaiak ardiz betetzen joango dira.

 

 [Iraupena:0:4:19m] Erakutsi erreproduzigailua | Entzun lehio berrian | Deskargatu

Urtero bezala, egitarau zabala antolatu dute egiatarrek. Ostiral arratsaldean, azken urteotan indarra hartu duen ekimen musikalaren txanda izango da. Lagunartean hasitako “Bolinga Sound System”ak, auzotar asko bildu ditu azkenik. Aurten gainera, berrikuntza handi bat dakarte esku artean:”Aurrera doa” abestia.

 

 [Iraupena:0:5:8m] Erakutsi erreproduzigailua | Entzun lehio berrian | Deskargatu