Besteak beste hori oihukatu zuten uztailaren 25ean, Bilboko Decathlon enpresa aitzinean bildutako hainbat herritarrek. Izan ere, urtean 8 jai egunetan irekitzeko baimena dute saltoki handiek. Herritarren protesten ondorioz kirol dendak ez zituen ateak ireki. Denden ordutegien inguruan, eta Arabako Aldundiak udako hezitzaile bat kanporatu izanaz ere aritu gara solastea Xabi Aizpurua eta Ikoitz Arreserekin gaurko karelean.
Uzt 28
Karelera gonbidatu ditugu hausnarketa eta solasaldira Idoia Eraso eta Beñat Zarrabeitia.Beraiekin Ipar eta Hego Euskal Herriko Jai ereduen inguruan hitz egin dugu, baita ere Frantziar eta Espainiar Estatuek Euskal Herriarekiko mantentzen duten jarreraz.
Uzt 25
Karelera gonbidatu ditugu hausnarketa eta solasaldira Ariane Kamio eta Leire Palacios. UEUk egindako Generoaren tratamendua kazetaritzan. Lanerako tresnak eta estrategia ikastaroa oinarri hartuta, horretaz hausnartu dute. Bestetik, udalekuetako begirale bat umeei euskaraz egitea eskatzeagatik kaleratua izan dela eta, gainetik bada ere, beraien iritzia eman dute.
Uzt 24
Solasaldiarako eta hausnarketarako gonbidatuak gaurkoan Mikel Garcia eta Olatz Dañobeitia izan ditugu. Kontsumo ohiturez eta orohar kontsumismoaz jardun dute.
Uzt 23
Solasaldiarako eta hausnarketarako gonbidatuak gaurkoan Ekhiñe Atorrasagasti eta Oroitz Zabala izan ditugu. Palestinako genozidioaz nazioarteko komunikabideek ematen dioten trataera izan dute hizpide nagusiki.
Uzt 22
Giro goibela alaitu digute ontzira igo diren Patxi Gaztelumendik eta Izar Mendigurenek. ETAren komunikatuaz, izan diren erreakzioetaz eta orohar herritarrek duten erantzukizunaz hausnarketa interesgarriak plazaratu dituzte. Jorratu duten beste gaia, azpiegitura erraldoien ingurukoa izan da. Ildo horretan, informazio gabezia eta herri mugimenduez mintzatu dira.
Uzt 21
Edurne Larrañaga eta Gaizka Amondarain izan ditugu gonbidatu Karelean saioko eguneroko tertulian. Marotoren adierazpenak, Palestinarren kontrako genozidioa eta lan arloko kontratazioetan euskararen lehentasun faltaz aritu dira.
Uzt 18
KARELEAN saioko bigarren tertulian Aitor Abaroa Gaztezuloko zuzendariarekin eta Ekhiñe Atorrasagasti kazetariarekin izan gara solasean. Udan gero eta ezagunagoak egiten ari dira musika jaialdiak, EHZ, BBKlive, Jazzaldia, Azkena Rock…aukerak hamaika. Aldatu al da udan festa egiteko modua? Krisian daude erromeriak? Zer behar du kanta batek udako kanta bihurtzeko! Horretaz guztiaz solastu dugu tertulian, eta deialdi bat egin dute gure tertuliakideek: mesedez eta faborez, txosznetako musika berritzea.
Uzt 15
INFOZAZPI IRRATIA
HARREMANAK:harremanak@info7.eus - Iragarkietarako: iragarkiak@info7.eus
Telefono zenbakia:(0033) 5-59-47-84-91
