Gorka Bereziartua (Argia) eta Leire Palacios (Gaztezulo) izan ditugu gaur gonbidatu Kareleaneko tertulian. Donostiako Aste Nagusiaz hitz egin dugu, Piraten egitarauaren inguruan, La Flamenkan iaz gertatu ziren amodio istorioak aipatu ditugu, eta noski, izozki eta su-artifizialak ez ditugu alde batera utzi. Donostiako Nazioarteko Zinemaldia ere hartu dugu hizpide. Bai ala bai ikusi behar direnak eta ez direnak….

 

 [Iraupena:22:37m] Erakutsi erreproduzigailua | Entzun lehio berrian | Deskargatu

Larunbata honetan, Donostian preso gaixoak aske behar dutela izan aldarrikatuko da beste behin ere. Gipuzkoa mailan deitu da manifestazioa, gipuzkoarrak diren hiru preso politikoren egoera salatzeko: Ibon Fernandez de Iradi, Gari Arruarte eta Aitzol Gogorza. Mikel Zumarraga Gariren koinata eta Garbiñe Erriondo, Oreretako plataformako kidea eta Gari Aitzol Gogorzaren egoera oso ondo ezagutzen duena. Preso gaixoak kalean behar dutela izan azpimarratu dute, muturreko momentuak bizitzen direla, bai presoek baita senideek ere.

 

 Erakutsi erreproduzigailua | Entzun lehio berrian | Deskargatu

Ostegunero egin dugun moduan, gaur ere, udako sinbolo diren udaleku batekin jarri gara harremanetan. Gaur Donostiara mugitu gara, astero-astero egiten dira musika udalekuak. Eguzkine begiralearekin izan gera solasean, astero bidai bat egiten dutela kontatu digu, eta bertako musikak dantzatu eta abestu egiten dituztela. Ostiraletan egiten dute erakustaldia, guraso, senide eta lagunen aurrean. Urduri jartzen direla aitortu digute Lucia eta Paulak, gustora hartzen dutela parte udaleku irekietan, eta ostiralean Shakira dantzatu eta abestuko dutela.

 

 [Iraupena:11:11m] Erakutsi erreproduzigailua | Entzun lehio berrian | Deskargatu

Eskoziako kontsulta egiteko hilabete falta dela, baiezko eta ezezko alderdien buruek eztabaida sutsua izan dute telebistan. Alex Salmond (baiekoaren alde) eta Alistair Darling (ezezkoaren alde) aritu ziren buruz buru eta arrazoi ekonomikoetan oinarritu zuten haien diskurtsoa. Katalunian azarorako deitu dute galdeketa, Madriletik hura geldiarazteko saiakerak badaude…egingo al da galdeketa? Kasualitatea al da Puyolen ustelkeria orain publiko egitea? Noizko Euskal Herriko kontsulta? Horiek bertzeak bertze, Ariane Kamiorekin eta Oier Zuñigarekin tertulian landutako gaiak.

 

 [Iraupena:32:28m] Erakutsi erreproduzigailua | Entzun lehio berrian | Deskargatu

Ezetz asmatu zein den Maite Ubiriak KARELEAN saiorako aukeratutako abestia?

 

 [Iraupena:05:13m] Erakutsi erreproduzigailua | Entzun lehio berrian | Deskargatu

Aitor Abaroa eta Ekhiñe Atorrasagastirekin solastu genuen musika eta zentsurari buruz eta gehiago jakiteko gogoz geratu ginen. Interneten kuxkuxeatzen aritu eta gero nazioarteko talde aunitz zentsuratuak izan direla ohartu gara, ona hemen errepaso txiki-txiki bat.

 

 [Iraupena:08:18m] Erakutsi erreproduzigailua | Entzun lehio berrian | Deskargatu

Iruñeara bidean harrapatu ditugu ESAITeko kideak. Mendi martxa egiten ari dira Euskal Herriko Selekzioaren ofizialtasuna aldarritzeko. Larunbatean hasi zuten martxa eta Urepelen amaituko dute. Eguraldia lagun, harrera ona izan dute herriz herrzi.

 

 [Iraupena:04:49m] Erakutsi erreproduzigailua | Entzun lehio berrian | Deskargatu

Udako bi hilabeteak Euskal Herrian pasatzen dituzte Saharakoeta Ukraniako hainbat umek. Nerea Albisu eta Irune Lujanbiorekin hitz egin dugu gaur. Nereak Ukraniako umea du etxean, eta Irunek Saharakoa. Umeak etxean hartzeaz gain, biak ezagutzen dute umearen jaioterriko egoera, bisitan izan dira behin baino gehiagotan. Aitortu digute oso esperientzia aberasgarria dela, bai umearentzat baita familiarentzat ere, oso gomendagarria.

 

 [Iraupena:23:39m] Erakutsi erreproduzigailua | Entzun lehio berrian | Deskargatu