Gaur motel samar jarraituko du, ipar haize nahasiarekin. Kostaldea lainope. Goiz partean laino horiek trinko samar euri lardatsa botaz; arratsaldean saretuta eta ateri. Eguzkia keinuka ostarteetatik eta tenperatura zertxobait gorago. Barnealdean oskarbia nagusi eta tenperatura maila egokian. Antizikloiak muturra luzatuko du, baina erdigunea leku onean kokatu ezinean.
Bihar hobekuntza. Goiz parteko hego ukituak gora eragingo dio tenperaturari. Barnealdean bero handi samarra, baina kostaldean tamaina egokian arratsaldeko itsas brisari esker. Hodei zirrinta batzuk, baina ekaitzik ez da garatuko inon ere. Bikaina oro har. Beraz, egun osoan bero galanta, eta ilunabarrean errematea, ekaitza.
Eka 21
Patxi Gaztelumendirekin solasteko auekera izan dugu, bera ere Troquenor enpresa atarian dago. Eguerdiko konexioak esan digu oraindik ere langileak enpresa barruan zeudela. Roberto Troquenorreko langilearekin hitz egiteko aukera ere izan dugu, tentsioaren lekukotasuna eman digu.
Eka 18
Elkartasunaren hatsa nagusitu zen Biarritzen ekainaren 15ean, larunbatean. Emozioz betetako egun izan zen. ” Iheslarien arazoa ez da konpontzen egoera pertsonala zuzenduz, baizik eta ihes egitera bultzatu zituzten arrazoiak gaindituz” horixe EIPK-k larunbatean esan zuena. Konponbiderako bere porpoamena jarri dute mahai gainean, herriaren aitzinean, herria dutelako arnas. Hemen ekitaldi osoa entzungarri.
Eka 17
Gaur azkar batean hartuko du hobetzeko joera. Egunsentiko behe lainoak segituan xurgatuko ditu eguzkiak eta goizeko freskura ere azkar konponduko du, hego ekialdeko haize geldiak lagunduta. Gerora, garbi eta tenperatura dezente igoko da, nahiz eta arratsaldeko ipar brisak kostaldea goxo edukiko duen. Nafarroa hegoaldean ekaitz batzuk gara litezke iluntze aldera.
Bihar haizea geldi eta zerua garbi, goizeko freskura eta behe lainoak desegin ostean. Haize geldia goizean hego ukituaz eta arratsaldean itsas brisa. Kostaldean giro goxoa bero sanoarekin eta bero handi samarra Nafarroa aldean. Ekaitzak leher litezke hor iluntzean.
Eka 14
Gaur giro ona egun osoan eta ekaitz bolada iluntzean. Eki haizeak hego ukitua ibiliko du, eta amaieran ipar brisa mugituko da. Tenperatura berdintsu edo beheraxeago, baina atsegin. Hegoaldean ekaitz arinak izango dira goizean, eta iluntzean gogorragoen txanda iritsiko da. Azkenean nonahi lehertuko dira zaparrada trumoitsuak. Oro har garaiari dagokion tankerako eguraldia.
Bihar ekaitz giroa nagusi. Zaparrada trumoitsuak nonahi, noiznahi. Goizean ere bai, batez ere Gipuzkoa aldean. Zaparrada baldar samarrak izan daitezke, euria lodi botaz eta tartean txingorra dakartela. Hego ukituko haizea goizean eta iparra arratsaldean.
Eka 07
Hizkuntz Eskubideen Behatokiak, “Hizkuntza-eskubideen egoera Euskal Herrian 2012” txostena aurkeztu du gaur goizean. Behatokiko zuzendari Garbiñe Petriatik argi esan du euskaldunek euskaraz bizi nahi dutela baina ezin dutela. Euskaraz bizitzeko eskubideari lotuta, inoiz baino kexu gehiago jaso ditu Behatokiak eta Nafarroako gobernuak pilatu du salaketa gehien.
Eka 06
Ane Fernandez [Piztu.info]: Donostiatik “Amaitu da eguerdiko manifestazioa. Gipuzkoa osotik jendea bildu da Donostian, bandera ugari, murrizketen aurka eta eskubideen alde. Pankarta nagusiaren atzean beste bat zegoen. Erresidentzietako langileen pankarta, greba mugagabean dira. LAB eta ELAren hitzartzeek, greba honen garrantzia azpimarratu dute, aldaketa politiko eta sozialen aurkakoei kritika. Loturik jarraipenaren datu zehatzak arloz arlo”.
maiatza 30
Bilbotik Patxi Gaztelumendi: “Milaka lagun egon dira. LAB eta ELAk hitza hartu dute. Borroka goraipatu dute, elkartasuna eta aurrera jarraitzeko beharra ere azpimarratu. Baloratzekoa da gazte asko bildu dela greba huntan, parte hartzea handia pikete eta beste elkarretaratzeetan.”
maiatza 30
INFOZAZPI IRRATIA
HARREMANAK:harremanak@info7.eus - Iragarkietarako: iragarkiak@info7.eus
Telefono zenbakia:(0033) 5-59-47-84-91
