Islandian balearen ehizan zebiltzan 32 euskal arrantzaleen heriotzaren IV. mendeurrenean Kongresua egiten ari dira Reykjaviken euskal arrantzale eta islandiar biztanleen arteko harremanak aztertzeko. Eta gaur Islandia eta Euskal Herriaren arteko adiskidetze ekimen sinbolikoa egingo dute. Antolakuntzan eta parte hartzean dabiltzan Xabier Irujo Nevadako Unibertsitateko ikerlari eta eraildako euskal baleazale baten ondorengoa eta Mari Jose Etxepare euskal institutuko euskaren sustapen eta hedapenerako zuzendariarekin hitz egin dugu.
Api 22
“Sumud” gizon eta emakume euskaldunez osatutako behatzaile talde batek Palestinara egiten duen bidaiaren inguruko film laburra da. Ander Iriarte, film honetako zuzendaria egon da gurean.
Api 22
Herri hezitzailea, eskola herritarra izenpean II. jardunaldiak antolatu ditu Hik hasi elkarteak ostiral eta larunbaterako Donostiako Kursaal aretoan. “Haurren hiria” egitasmo entzutetsuaren sortzaile Francesco Tonucci pedagogoarekin orain bi urte izandako esperientziatik tiraka eta hainbat eragilerekin elkarlanean egiten ari diren bideari jarraiki antolatu dituzte jardunaldiak. Hik Hasi-ko koordinatzaile Joxe Mari Auzmendirekin hitz egin dugu.
Api 21
La iniciativa Gora Gasteiz acudirá hoy martes, 21 de abril, a las 12:00 del mediodía, a un Pleno Extraordinario en el Ayuntamiento de Gasteiz. Durante su turno popular pedirá que el Ayuntamiento apruebe por moción el felicitar a la ciudadanía gasteiztarra por su participación activa y masiva en los actos convocados por Gora Gasteiz el pasado 18 de abril. Una moción que llega tras el exitoso Gora Gasteiz Eguna del sábado, que ayer fué duramente criticado por el alcalde Javier Maroto. Al respecto, Rosabel Argote (Gora Gasteiz) ha afirmado esta mañana en los micrófonos de Info7 Irratia que “no entraremos en las provocaciones del alcalde Javier Maroto”.
Api 21
Amaiur koalizioak TTIP-aren aurkako mozioa aurkeztuko du gaur Madrileko diputatuen Kongresuan. Besteak beste, TTIP-ari buruzko Europa mailako erreferunduma egitea eskatuko du koalizio soberanistak eta gaur, mozioa aurkeztu aurretik, Maite Aristegi diputatuarekin hitz egiteko aukera izan dugu Kalegorrian saioan. Bera izango da Amaiur-en mozioa defendatzeaz arduratuko dena eta Kalegorrian saioan esan du “gure erabakitze gunea” askoz gehiago urrutiratuko dituela TTIP-ak.
Api 21
Madonnarekin nazioarteko bira egin ostean eta bi urte igarota lan berria kaleratu du Kalakan taldeak, “Elementuak” izenekoa. Kantu tradizionalak eta berriak uztartzen dituen diskoa da. Nazioarteko birarekin jasotako ospea baliatuz asmo handiko diskoa grabatzea erabaki zuten 2013an baina azkenean presak alde batera utzi eta euren planteamendu musikalean erroetara itzuliz kaleratu dute orain lan berria. Taldeko hiru partaideekin, Xan Errotabehere, Thierry Biskari eta Jamixel Bereauk-ekin hitz egin dugu.
Api 20
Bakarkako bere hamahirugarren diskoa prestatzen harrapatu dugu Anje Duhalde. Estudioko lanetik zertxobait aldendu eta bere ibilbideari begira jarri gara zuzeneko kantu eta guzti. Errobi garaiko “Gure lekukotasuna”, Bakezaleak diskoko “Maitasun aroak” eta “Amnistiaren dema” kantatu dizkigu zuzenean. Disko berriaren zain geratzen gara.
Api 17
Apirilaren 17tik 24era Giza Eskubideen XIII. zinemaldia ospatuko da Donostian. 23 herrialdetako 42 film proiektatuko dira baina herri antzerkia, musika, erakusketak eta zuzendari eta protagonistekin solasaldiak ere izango dira. Josemi Beltran zuzendariak eman dizkigu xehetasunak.
Api 17
INFOZAZPI IRRATIA
HARREMANAK:harremanak@info7.eus - Iragarkietarako: iragarkiak@info7.eus
Telefono zenbakia:(0033) 5-59-47-84-91
