Lehenik eta behin, Gure Irratiako esatari Ihintza Arrieta batu zaigu eta euren bueltako berriak ekarri dizkigu. Ondoren, Estitxu Eizagirrek Argiaren aste honetako alea aurreratu digu. Txapa irratiko lagunek Jabier Agirreri egindako elkarrizketaren bidez, pediatren kontsultan ohikoak diren galderen erantzunak ezagutu ditugu. Elkarrizketaren tartean, Halabedi irratiko esatari Iker Leturiondo Gora Gasteiz dinamikako Ane Zelaia eta Fatima Hibichekin egon da, larunbaterako antolatu duten egitarauaz hizketan. Komunikazioari zabaltzen diogun tartera Urtzi Urkizu batu zaigu hedabideen inguruko nobedadeak ekartzeko. Eguneko adierazpenetan, hainbat esparrutako euskaldunek EiTBko zuzendaritzari egindako eskaeraren ingurukoak bildu ditugu.

 

 Erakutsi erreproduzigailua | Entzun lehio berrian | Deskargatu

Gaurko irratien tartean, Halabedi irratiko Jon Aranbururekin eta Esan Erran irratiko Lur Gilekin hitz egin dugu Gasteiz aldeko zein Ultzama eta Basaburuako kontuez. Ondoren, Espainian Eliza Katolikoak dituen pribilejioez hausnartu dugu tertulian Lander Arbelaitz eta Aitor Kaltzakortarekin. Elkarrizketa Josu Txueka historialari eta EHUko irakasleari egin dio Bilbo Hiria irratiko koordinatzaile Mieltxo Monfortek, Espainiako II. Errepublikak Hego Euskal Herrian izan zuen eraginaz. Koop57ko Liher Gonzalezek ‘Heldu den matxinada’ liburutik zazpigarren zirkulua nabarmendu digu eta zibilizazio berrien eraikuntzaz aritu da. Amaitzeko, Sarrikoko Enpresa Zientzien Fakultatean bihartik hilaren 23ra bitartean egingo dituzten II. Kontraekonomia jardunaldiez hitz egin digu Andoni Zulaikak.

 

 Erakutsi erreproduzigailua | Entzun lehio berrian | Deskargatu

Irratien tartean, Oiartzun irratiko esatari Alazne Etxeberriak eta Urko Etxebestek Oarsoaldeko berriez egindako errepasoa izan dugu entzungai; eta horrekin batera, Bilbo Hiriako koordinatzaile Mieltxo Monfortek Barakaldoko Gazte Asanbladaz ekarritakoei ere egin diegu lekua. Ondoren, Euskal Herriko Bilgune Feministako kide Amaia Zufiarekin azken ‘Bilgune Kontari’-n landutako kontuen errepasoa egin dugu. Elkarrizketa Karmele Lopez de Ipiñari egin diogu, Elekin taldea lantzen ari den alzheimerra modu ez inbaditzailean detektatzeko metodologiaz. Euskal antzerkigintzari zabaltzen diogun tartean, EHAZE Euskal Herriko Antzerkizale Elkarteko Itziar Eliasek Pabellon 6 gunean eskainiko diren euskarazko antzezlan laburrak nabarmendu dizkigu. Amaitzeko, Mirentxin furgoneten 15. urtemugaz aritu gara eguneko adierazpenetan.

 

 Erakutsi erreproduzigailua | Entzun lehio berrian | Deskargatu

Lehenik eta behin, Gure Irratiako esatari Ihintza Arrieta batu zaigu eta euren bueltako berriak ekarri dizkigu. Ondoren, Radiokulturako lagunek Emon musika taldeaz egindako erreportajea izan dugu entzungai. Eguneko adierazpenetan, Gasteizko Errekaleor auzoko Jonbek Info7 irratian esandakoak bildu ditugu. Elkarrizketaren tartean, berriz, Oiartzun irratiko Alazne Etxeberriak Ariane Retegi moda diseinatzailearekin izandako solasaldiari egin diogu lekua. Komunikazioari zabaltzen diogun tartera Patxi Gaztelumendi batu zaigu eta Arraio irratiko lagunen eskutik Aitzinak eta Ernaik antolatutako Gazte Martxaren berri izan dugu.

 

 Erakutsi erreproduzigailua | Entzun lehio berrian | Deskargatu

Gaurko irratien tartean, Halabedi irratiko Jon Aranbururekin eta Esan Erran irratiko Josu Martirekin hitz egin dugu Gasteiz aldeko zein Ultzama eta Basaburuako kontuez. Ondoren, albiste tratikoen aurrean hedabideok dugun joeraz hausnartu dugu tertulian Lander Arbelaitz eta Aitor Kaltzakortarekin. Elkarrizketa Azpeitiko Antxieta arkeologia taldeko Jabier Maizi egin diogu Azpeitiko eta Zestoako haitzuloetan egindako azken aurkikuntzez. Koop57ko Liher Gonzalezek ‘Heldu den matxinada’ liburutik zazpigarren zirkulua nabarmendu digu eta zibilizazio berrien eraikuntzaz aritu da. Amaitzeko, larunbatean Etxerat eta Jaiki Hadi elkarteetako kideen atxiloketa salatzeko egindako manifestazioko hitzak bildu ditugu eguneko adierazpenen tartean.

 

 Erakutsi erreproduzigailua | Entzun lehio berrian | Deskargatu

Lehenik eta behin, Euskal Irratietako lagunek Frantziako departamendu bozen bigarren itzuliaz egindako lana izan dugu entzungai. Ondoren, Euskal Herriko Bilgune Feministako kide Oihana Etxebarrietarekin azken ‘Bilgune Kontari’-n landutako kontuen errepasoa egin dugu. Elkarrizketa Arraio irratiko lagunek Zingira hezkuntza proiektuko bi kideri egin diete. Euskal antzerkigintzari zabaltzen diogun tartean, EHAZE Euskal Herriko Antzerkizale Elkarteko Itziar Eliasek Metrokoadroka kolektiboaren ‘Su izan nahi’ obra nabarmendu digu. Amaitzeko, Halabedi irratiko esatari Jon Aranbururekin Korrikaren 19. edizioa baloratu dugu.

 

 Erakutsi erreproduzigailua | Entzun lehio berrian | Deskargatu

Lehenik eta behin, Antxeta Irratiko esatari Maia Muruagaren eskutik, bihar Hendaiako Abbadia eremuan haikuak idazteko egingo den aukeraren berri izan dugu; eta Bilbo Hiria irratiko koordinatzaile Mieltxo Monfortek Iñigo Cabacasen auziaz Iker Hernandezekin izandako elkarrizketari ere egin diogu lekua. Amagoia Mujikak ‘Gaur8’ astekariaren biharko alea aurreratu digu. Garoa kultur laborategiko Imanol Agirrerekin egon gara, eta liburu dendariez eta twtitterrez hitz egin digu. Amaitzeko, otsaileko Mirarikeria izan dugu Mirari Martiarenaren eskutik.

 

 Erakutsi erreproduzigailua | Entzun lehio berrian | Deskargatu

Lehenik eta behin, Beleixe Irratiko esatari Mieltxo Monforten eskutikSakana  aldeko kontuen berri izan dugu. Ondoren, Ikoitz Arrese eta Amaia Eneterreagarekin bizi eta etxebizitza eredu alternatiboez hausnartu dugu tertulian. Jarraian, Txapa irratiko lagunek Iñaki Irizarri Bergarako museo berriaz egindako elkarrizketari egin diogu lekua. Gero, Halabediko esatari Jon Aranburuk eta Alba Fernandez arte kolaboratzaileak Louise Bourgeois artistaren ‘Ama’ eskulturaz jardun dute. Amaitzeko, Aranbururekin berarekin Korrikaren 19. edizioaren inguruko berriak errepasatu ditugu.

 

 Erakutsi erreproduzigailua | Entzun lehio berrian | Deskargatu