Lehenik eta behin, Gure Irratiako esatari Ihintza Arrietaren eskutik euren bueltako kontuen berri izan dugu. Ondoren, Argia astekariko zuzendari Estitxu Eizagirre batu zaigu, eta aldizkariaren azken alearen errepasoa egin digu. Komunikazioari zabaltzen diogun tartera Berria egunkariko Urtzi Urkizu batu zaigu, adierazpen askatasunaren aurkako erasoez, hedabiden inguruko berriez, zein telebista saioez hitz egin digu. Elkarrizketaren tartean, berriz, Halabedi irratiko esatari Iker Leturiondo ‘Frackin ez Araba’-ko Mikel Oterorekin egon da, Gasteizko legebiltzarrera aurkeztutako herri ekimen legegilearen inguruko azken berriez.

 

 Erakutsi erreproduzigailua | Entzun lehio berrian | Deskargatu

Gaurko irratien tartean, Esan Erran irratiko esatari eta Pulunbe aldizkariko kazetari Josu Marti eta Halabedi irratiko Jon Aranbururekin hitz egin dugu. Tertuliara Aiora Mujika eta Aitor Kaltzakorta batu zaizkigu, eta Podemos alderdiaren efektuaz hausnartu dugu eurekin. Ondoren, Bilbo Hiria irratiko esatari Mieltxo Monfortek Josu Larrinaga EHUko irakasle eta soziologoari egin dio elkarrizketa petrolioaren prezioaren jaitsieraz. Gizarte eta ekonomia gaien tartean, Koop57ko Liher Gonzalezek ‘Heldu den matxinada’ liburua aurkeztu digu. Amaitzeko, politikariak diren emakumeen hitzak bildu ditugu eguneko adierazpenetan.

 

 Erakutsi erreproduzigailua | Entzun lehio berrian | Deskargatu

Gaurko irratien tartean, Zarauzko Arraio irratiko kideei esker, larunbatean Putzuzulo amets fabrikan izango den ‘Defenestre’ jaialdiaren berri izan dugu. Ondoren, Euskal Herriko Bilgune Feministako Idoia Trenorrekin azken ‘Bilgune Kontari’-ren errepasoa egin dugu. Eguneko adierazpenen tartean, berriz, iragan astean atxilotutako zenbait abokaturen eta Gasteizko Legebiltzarreko ordezkari politikoen hitzak bildu ditugu. Elkarrizketa, berriz, Oiartzun irratiko Mirari Martiarenak Koldo Zubizarretari egin dio, Asian bizikletaz egin duen urtebeteko bidaiaren inguruan. Ondoren, ‘Guk’ dokumentalaren ingurukoak entzun ditugu, Nuria Vilaltaren ahotsean. Amaitzeko, Bilbo Hiria irratiko lagunei esker, Bilboko Kafe Antzokian bihar izango den ‘Argia proiektua’ hitzaldiaren berri izan dugu.

 

 Erakutsi erreproduzigailua | Entzun lehio berrian | Deskargatu

Lehenik eta behin, Antxeta Irratiko esatari Maia Muruagaren eskutik, bihar Baionan aurkeztuko duten Sarako etxeak liburua ezagutu dugu; eta Bilbo Hiria irratiko koordinatzaile Mieltxo Monfortek Hika ateneoko agendaren berri ekarri digu. Amagoia Mujikak ‘Gaur8’ astekariaren biharko alea aurreratu digu. Eguneko adierazpenen tartean, Ana Izagirre EHUko irakasleak eta Ariane Kamiok euskaldunon sinbologiaz esandako hitzak bildu ditugu. Gaurko literaturaren tartean, Garoa kultur laborategiko Imanol Agirrerekin egon gara, eta egonezina sortu dioten fanzine baten eta bi libururen inguruan hitz egin digu. Amaitzeko, Zangozako ikastolako zuzendari Jone Etxebarriak ‘Oinez Basoa’ egitasmoaz hitz egin digu.

 

 Erakutsi erreproduzigailua | Entzun lehio berrian | Deskargatu

Lehenik eta behin, Bilbo Hiria Irratiko esatari Mieltxo Monforten eskutik Bizkaia aldeko kontuen berri izan dugu. Ondoren, Ikoitz Arrese eta Amaia Eneterreagarekin euskararen normalizazioan Carlos Urquijok, Espainiako Gobernuaren Araba, Bizkai eta Gipuzkoako ordezkariak, jartzen dituen oztopoez aritu gara. Elkarrizketaren tartean, Eneritz Arbelaitz ‘Olalde’ eta Eneritz Gartzia ‘Jefa’ Emarri giza proba taldeko kideak izan ditugu. Gero, musika kontuetan murgildu gara, eta Amaia Aireren esanekin zein Aire Ahizpen musikarekin osatutako erreportajeari egin diogu tartea. Amaitzeko, Ahotsa.info hedabideko kideek ‘Charlie Hebdo’ aldizkariaren aurkako erasoaz bildutako iritziak izan ditugu entzungai.

 

 Erakutsi erreproduzigailua | Entzun lehio berrian | Deskargatu

Lehenik eta behin, Irulegi irratiko esatari Jojo Bidarten eskutik euren bueltako kontuen berri izan dugu. Ondoren, Argia astekariko zuzendari Estitxu Eizagirre batu zaigu, eta aldizkariaren azken alearen aurrerapena egin digu. Elkarrizketaren tartean, berriz, Halabedi irratiko Iker Leturiondok Mixel Berhokoirigoin Euskal Herriko Laborantza Ganbarako lehendakariarekin egon da, elkartearen azken txostenaz, eta hamargarren urtemugagatik larunbaterako antolatu dituzten ospakizunez. Komunikazioari zabaltzen diogun tartean, Xabier Landabideak Kickstarter diru bilketarako plataforma aurkeztu digu.

 

 Erakutsi erreproduzigailua | Entzun lehio berrian | Deskargatu

Lehenik eta behin, Xorroxin Irratiko esatari Josetxorekin hitz egin dugu, Baztan, Malerreka, Bertizarana, Bortziriak, Zugarramurdi eta Urdazubi aldeko berriez. Ondoren, Aitor Abaroa eta Ander Perezekin tertulia egin dugu, Kataluniako prozesu independentistaz. Elkarrizketa, Bilbo Hiriako koordinatzaile Mieltxo Monfortek Euskal Herriko Laborantza Ganbarako kide Marise Cachenauti egin dio, elkartearen hamargarren urtemuga dela eta. Gizarte eta ekonomia kontuei buruzko tartean, Gaindegiako koordinatzaile Imanol Esnaolak emakumeen lan merkatuaz hitz egin digu. Amaitzeko, atzo atxilotutako abokatuen operazioaren harira, Urtzi Errazkinek eta Garbiñe Biurrunek Info7 irratian esandakoekin eguneko adierazpenen tartea osatu dugu.

 

 Erakutsi erreproduzigailua | Entzun lehio berrian | Deskargatu

Lehenik eta behin, Ataria irratiko esatari Iñigo Terradillos batu zaigu irratien tartera, eta Tolosa aldeko kontuak ekarri dizkigu. Ondoren, Hamaika telebistako lagunek emakume baserritarrez egindako erreportaje bati egin diogu lekua. Bilbo Hiria irratiko koordinatzaile Mieltxo Monfortek Gotzon Hermosillari egindako elkarrizketari esker, berriz, Oiolako urtegiaren berri izan dugu. Elkarrizketa, berriz, Gaizka Arangureni egin diogu Iruñea ezagutzeko irizpidedun turismoaz eta ‘Labrit Tours’ egitasmoaz. Euskal antzerkigintzari zabaltzen diogun tartean, EHAZE Euskal Herriko Antzerkizale Elkarteko koordinatzaile Itziar Eliasek Bilboko antzerki espazio berriez hitz egin digu. Amaitzeko, abokatuen aurkako sarekadak eragin dituen adierazpenak bildu ditugu.

 

 Erakutsi erreproduzigailua | Entzun lehio berrian | Deskargatu